Përmes një postimi në Facebook, Tahiri ka shkruar se do të punoj bashkë me të gjitha grupet dhe subjektet politike dhe së bashku do angazhohen për t’i përmbushur këto nevoja.
“Për një demokraci të shëndoshë në karakter, përgjegjëse për nga detyra, llogaridhënëse për nga tipari dhe cilësore për nga përfaqësimi, është nevojë e kohës që kjo reformë zgjedhore t’i nxjerrë zgjidhjet më të mira, për të mundësuar zgjedhjet më demokratike edhe si procedurë edhe si përmbajtje.
Do të punojmë bashkë me të gjitha grupet dhe subjektet politike dhe së bashku do angazhohemi për t’i përmbushur këto nevoja. Ky imperativ është një prej proceseve më të rëndësishme në konsolidimin e mëtejmë të demokracisë tonë shtetërore e politike”, ka shkruar Tahiri.
Sipas tij, si Kryetar i Komisionit për Reformën Zgjedhore, së bashku me anëtarët e grupeve parlamentare të Kuvendit të Republikës së Kosovës dhe Shefin e BE-së në Kosovë, Ambasadorit Tomas Szunyog, të mërkurën kanë punuar për të adresuar reformën zgjedhore, duke synuar në përmbushjen e përmbushim rekomandimet e Bashkimit Evropian dhe standardet më të mira elektorale të demokracive perëndimore.
