Tahiri përmes një postimi në Facebook ka pyetur kryeministrin Kurti, se çfarë “krimesh të luftës” po synon të hetojë.
“Çfarë “krimesh të luftës” po synon të hetojë Albin Kurti pas përfundimit të luftës në qershor të 1999?! Si mund të kryhen “krime të luftës” pasi që lufta të ketë marrë fund”, ka shkruar ai.
Sipas tij, përpjekja e Qeverisë Kurti, për ta bërë një ligj që synon të hetojë e hulumtojë “krimet” që ndërlidhen me luftën deri me datën 31 dhjetor, 2000, sipas tij, është përpjekje që i shkon përshtat atyre që janë përgjegjës për gjenocidin në Kosovë.
Teksa ka ritheksuar edhe njëherë se PDK do ta kundërshtojë tjetërsimin e historisë përmes ligjeve të dëmshme.
“Ne do ta kundërshtojmë me çdo mjet politik tjetërsimin e historisë përmes ligjeve të dëmshme, antihistorike e antikombëtare”, ka shkruar tutje ai./teve1.info./
