Shefi i Grupit Parlamentar të Aleancës për Ardhmërinë e Kosovës, Besnik Tahiri, ka thënë se përveçse minim i shtetit të Kosovës nuk ka si të quhet ndryshe ndikimi në RTK nga institucione që nuk kanë lidhje me gazetarinë.
Sipas Tahirit, është e papranueshme që lajmi i rrejshëm të bëhet normë në një institucion të pavarur të publikut.
“Është totalisht e papranueshme që lajmi i rrejshëm të bëhet normë në një institucion të pavarur të publikut, RTK-së. Lajmi i rremë i cili për hirë së vërtetës ka mundur dhe mundet që të rrezikojë gazetarë, të cilët përfaqësojnë portale dhe agjencione të lajmeve dhe të cilat për një kohë të gjatë ishin pjesë e linçimit publik. Për më keq, në bazë të të dhënave që janë bërë publike, pjesë e kësaj teme përfshihet edhe agjencioni i cili do të duhej të ishte siguresa e mbrojtjes kombëtare ndaj plasimit të së vërtetës dhe po ashtu të paralajmërimit të hershëm për tema. Dhe jo të jetë burim i një informacioni të rremë. e as me fjalën e lirë dhe bërja e tyre pjesë e lajmit të rremë, nuk ka as emër e as mbiemër tjetër përveçse minimit të shtetit të Kosovës”, ka thënë Tahiri në seancë plenare ku po diskutohet për shkarkimin e anëtarëve të bordit të RTK-së./teve1.info/
