Deputeti i Aleancës për Ardhmërinë e Kosovës, Besnik Tahiri, ka bërë të ditur se i ka vizituar minatorët grevistë të Trepçës, ku tha se është informuar për gjendjen e tyre shëndetësore.
Ai thotë se shëndeti i minatorëve është në gjendje alarmante.
Sipas tij, veprimi qeveritar duhet të jetë shpejtë “në funksion të shpëtimit të jetës së minatorëve”.
“Kjo grevë është sociale dhe nuk është politike. Sindikatën e minatorëve e njoftuam, që si parti, nuk jemi këtu për interes politik, por për t’u solidarizuar me ju, duke qenë të gatshëm që të japim kontributin tonë në ngritjen e shqetësimeve të tyre dhe zgjidhjen e problemit përmes mekanizmave në Parlament të Kosovës”, ka shkruar ai në Facebook./teve1.info/
