Pas seancës së jashtëzakonshme të Kuvendit, shefi i grupit parlamentar të Aleancës, Besnik Tahiri, ka thënë se janë duke e përcjellë me shqetësim situatën brenda dhe jashtë Kuvendit.
Tahiri tha se Aleanca ka kërkuar që Ligji për Specialen të kalojë sa më shpejt në lexim të dytë në Kuvend.
“Ishit dëshmitarë se 22 pikat e seancës u miratuan. Pyetja është: çka po presim? Çka po pret shumica? Pse nuk e sjell ligjin? Çfarë duhet të ndodhë më shumë, se shihni se çfarë po ndodh rreth e rrotull Kuvendit? Kaloi ligji në lexim të parë. Çka po presim? A po presin të ndodhë ndonjë incident më i madh?”, tha Tahiri.
Ai u bëri thirrje Vetëvendosjes dhe të gjithë deputetëve që të kthehen në sallë dhe ta sjellin ligjin për votim në lexim të dytë.
“Aleanca e fton urgjentisht Vetëvendosjen dhe të gjithë deputetët të kthehen në sallë, ta sjellin ligjin në lexim të dytë. A po presim dhunë? Përshkallëzim? Apo çka?:, tha Tahiri”, deklaroi Tahiri.
