Shefi i grupit parlamentar të AAK-së, Besnik Tahiri, ka thënë se liberalizimi i vizave për kosovarët, që nisi nga sot më 1 janar 2024, nuk ka të bëjë asgjë me qeverinë aktuale.
Sipas Tahirit, Qeveria Kurti i ka të gjitha meritat për sanksionet në fuqi.
Tahiri ka reaguar përmes një shkrimi në Facebook, pasi kryeministri Albin Kurti sot ia mveshi meritat për liberalizim vetes.
“KM Kurti po pretendon merita për liberalizim. Madje këtë ia atribuon edhe rolit të ministrisë së punëve të jashtme dhe diasporës. E vërteta është që liberalizimi nuk ka asgjë të bëjë me këtë qeveri”, ka shkruar deputeti i Aleancës.“Merita e vetme e kësaj qeverie janë sanksionet, të cilat për fatin e mirë të qytetarëve të vendit, ndonëse i përfolën, nuk i përfshinë në pako të sanksioneve mbajtjen e vizave si ndëshkim. Në fakt kjo qeveri ka merita, i kanë të gjitha meritat për sanksionet në fuqi!”, ka theksuar Tahiri.
