Shefi i Grupit Paralamnetar të Partisë Demokratike të Kosovës, Abelard Tahiri, duke komentuar deklaratën e kryeministrit të Kosovës, Albin Kurti, se organizatori i sulmit terrorist të 24 shtatorit në Banjskë, Millan Radoiçiq po përgatitet në Rashkë për një sulm të ri, ka thënë se Kurti së pari duhet të tregojë pse e la të ikë Radoiçiqin më 24 shtator.
Ai të hënën pas mbledhjes së Kryesisë së Kuvendit të Kosovës, tha se kryeministri para se me tregu se çfarë po bënë Radoiçiq në Rashkë duhet të tregojë se përse e la të ikë. Tahiri ka thënë se kishte një vendim politik, sipas tij, nga Kurti që ish- nënkryetari i Listës Serbe të mos arrestohet.
“Kryeministri duhet t’i përgjigjet një pyetje qytetarëve të Kosovës. Pse është lënë me ikë një njeri i cili po paraqiste rrezik për vendin dhe ndaj të cilit kishte një flet- arrest nga institucionet e Kosovës. Para se me na tregu se çfarë po bënë Radoiçiqi në Rashkë, është mirë me tregu pse e la atë ditë me ikë. Krejt çka ndodh një vendim politik me gjasë i kryeministrit parandalon që Policia e Kosovës ta arrestojë dhe ta sjellë para autoriteteve të drejtësisë”, ka thënë Tahiri, përcjell teve1.info
Kryeministri Kurti ka thënë se në Rashkë të Serbisë, “po ngjan riorganizimi paramilitar e terrorist i Millan Radoiçiq dhe grupit të tij, me instruksione dhe mbështetje të shtetit të Serbisë”.
Ai ka treguar se në kryesi kanë kërkuar që në seancën e së enjten të diskutohet Raporti i Komisionit Evropian për Kosovën, i cili sipas Tahirit ka gjetur një sërë shkeljesh në disa fusha.
