Tahiri nga Strasburgu i Francës ka thënë se në këtë takim është diskutuar për sulmin e armatosur të Rusisë ndaj Ukrainës.
“Në Strasburg të Francës, në takimin e Komitetit për Çështje Politike dhe Demokraci të Asamblesë Parlamentare të Keshillit të Evropës, u diskutua për ‘sulmin e armatosur të Federatës Ruse ndaj Ukrainës’, me theks përgjigjen që Këshilli i Evropës duhet ta ketë”, ka shkruar ai në një postim në Facebook.
Tahiri ka ndarë edhe disa konstatime nga ky takim.
“Vendet Evropiane janë të unifikuara në qëndrimet e veta për luftën në Ukrainë, por ende disi hezitojnë t’i thonë qendrimet qartë dhe saktë; – Kërkesa nga deputetë të vendeve të ndryshme për sa më shumë qartësi, disi tregon hezitimin që nuk do të duhej të ishte. – Deputetët nga Ukraina duke folur në takim ma kthyen epokën e rëndë të luftës sonë të vitit 1999, kur kërkonim ndihmë, por ishim me besim të plotë në fitore. Mos të harrojmë 2.5 milionë refugjatë u deklaruan deri më tani! – Raportuese u zgjodh norvegjezja Ingjerd Schou, nga partia konzervatore, lajm i mirë”, ka thënë ai.
Ndërkaq, sa i përket anëtarësimit të Kosovës në Këshillin e Evropës, Tahiri thotë se ka ende shumë punë për të bërë.
“Prioriteti i këtij institucioni është Ukraina dhe vetëm Ukraina; 2. Roli i Rusisë dhe vendeve aleate të saj janë jashtë ndikimit, pra tani për tani nuk kanë mundësi me na penguar; 3. Deklaratat se është momentumi i duhur për aplikim, duhet të studiohen seriozisht e mirë, me maturi, e jo me tifozëri. Sipas vlerësimit tim, nuk janë punët për deklarime pompoze, por për avokim strategjik e politikë ‘pa zhurmë’. 4. Urgjentisht duhet ta forcojmë me personel e kapacitete logjistike e buxhetore Konsulatën tonë në Strasburg. 5. Në prill (25-29) delegacioni ynë duhet të vijë këtu me plan konkret, deri atëherë mos të bëjnë shumë tëeeta”, tha deputeti i AAK-së, Besnik Tahiri. /teve1.info/
