Kandidanti për deputet i PDK-së, Abelard Tahiri i ka ftuar qytetarët që t’i bashkohen hapjes së fushatës zgjedhore të mërkurën mbrëma në Prizren.
Tahiri i ka ftuar qytetarët që t’i bashkohen vizionit të kandidatit për kryeministrit të ardhshëm të Kosovës, Bedri Hamza.
Ai ka thënë se kjo është thirrje për unitet, stabilitet dhe një të ardhme të mirë për secilin qytetar.
“Sonte, nga Prizreni, qyteti i Lidhjes, ku e hapim fushatën tonë zgjedhore, e në çdo anë të Kosovës, ju ftoj të bashkohemi përsëri rreth vizionit të Kryeministrit të ardhshëm, Bedri Hamza, për ta çuar Kosovën përpara. Kjo është një thirrje për unitet, stabilitet dhe një të ardhme më të mirë për secilin qytetar. Më 28 dhjetor, zgjedhja është e qartë: Bashkë. Përpara”, ka shkruar Tahiri në Facebook./teve1.info/
