Analistja Arta Tahiri-Beqa vlerëson se Kosova ka mbetur në një udhëkryq, sa i përket situatës aktuale në dialogun me Serbinë.
Ajo thotë se heshtja e Bashkimit Evropian dhe Shteteve të Bashkuara të Amerikës nuk krijon situatë të favorshme, teksa theksoi se nuk sheh një rrugëzgjidhje.
“Tetë pikat e marrëveshjes janë shkelur, shkelje më të mëdha se që ka bërë Serbia deri më tani për punën e marrëveshjeve nuk ka bërë absolutisht Kosova. Dhe heshtja e Bashkimit Evropian, konkretisht, të dy emisarëve të ngarkuar pikërisht në këtë dialog, por ndërkohë edhe heshtja e vazhdueshme nga Shtetet e Bashkuara të Amerikës, nuk kisha thënë që është situatë e favorshme për Kosovën. Fatkeqësisht Kosova në këtë situatë, në çështjen e Asociacionit të komunave, është në një udhëkryq, nuk po shoh ndonjë rrugëzgjidhje”, deklaroi Tahiri-Beqa në “Këndi i Debatit” në Tëvë 1.
Para dy ditësh, kryeministri Albin Kurti njoftoi se ka dorëzuar një dokument tek përfaqësuesi i Lartë i Bashkimit Evropian, Josep Borrell dhe te i dërguari i Posaçëm i Bashkimit Evropian për dialogun Kosovë-Serbi, Miroslav Lajçak, mbi atë se si Beogradi zyrtar i ka shkelur 8 nene nga marrëveshja bazë e 27 shkurtit. /Teve1.info/
