Shefi i Grupit Parlamentar i Aleancës për Ardhmërinë e Kosovës, Besnik Tahiri, e ka cilësuar vitin 2023 ën si një vit të dështuar.
Ai këtë e ka thënë pas lajmërimit se për vitin 2023 nuk do të ketë më seanca, përveç që komisionet parlamentare do ta vijojnë punën.
“Diagnoza e vitit 2023 është: dështim në ekonomi, katrahurë në diplomaci, kapje e shtetit nga partia, izolim në procese evropiane, dobësim të shtetit e sovranitetit dhe varfëri gjithandej”, ka shkruar Tahiri në Facebook.
Tahiri thekson se pushteti është munduar që dështimet t’i kalojë në heshtje.
“Shumica parlamentare dha gjithçka që temat madhore dhe të cilat kërkojnë lidership të mos ecin asnjë hap. Komfort zona e 51 përqindëshit punoi ad-hoc, dështoi pa kuorum, i duartrokiti liderit suprem, kaloi ligje kundërkushtetuese pa debat e transparencë, ushtroi presion mbi opozitë dhe kujtoi që do ta qes jashtë loje Gjykatën Kushtetuese, për t’i grahur drejt autokracisë”./teve1.info/
