Serie A ka caktuar të hënën orarin e ndeshjeve të xhiros së fundit.
Xhiro e 38-të fillon të premten prej orës 20:45 kur zhvillohen dy ndeshjet vendimtare në garën për titullin e kampionit të Italisë.
Të premten mbrëma janë ndeshjet Napoli – Cagliari dhe Como – Inter, ku edhe do të përcaktohet kampioni i këtij sezoni.
Një xhiro para fundit, Napoli është lider me 79 pikë, një më shumë se Interi që zë vendin e dytë.
Gara në Serie A është shumë dramatike dhe do të vendoset në xhiron e fundit, pasi sikurse Napoli ashtu edhe Interi, barazuan në xhiron e fundit, të luajtur të dielën mbrëma.
Nëse skuadrat kanë pikë të barabarta në fund, atëherë luhet një ndeshje barazhi mes tyre për titull, gjë që mund të ndodh vetëm nëse Napoli mposhtet dhe Interi barazon.
Të shtunën janë dy ndeshje të xhiros së fundit, ndërsa duelet tjera vendimtare zhvillohen të dielën nga ora 20:45.
