Shefi i Zyrës së Bashkimit Evropian në Kosovë, Tomas Szunyog thotë se reforma në administratën publike është një çels kyç për tu bashkuar në BE, përcjell teve1.info
Në konferencën vjetore të Grupit për Studime Juridike dhe Politike (GLPS), në të cilën po diskutohet për progesin në vend, Szunyog tregoi dy pikat më pak pozitive të vitit të kaluar, përcjell teve1.info
Ai bëri të ditur se nuk janë pajtuar me qasjen e Kuvendit lidhur me miratimin e Ligjit për Paga.
“Dy miratime që janë bërë në fund të vitit të kaluar, rishikimi i Ligjit për Pagat, Ligjit për zyrtarët publik, siç kemi thënë më parë, nuk pajtohemi me qasjen që ka marrë Kuvendi për t’i miratuar këto Ligje në procedurë të shpejtë, sepse ligjet e tilla duhet të ngërthejnë konsultime të dobishme me të gjitha palët e interesit, megjithatë këto diskutime nuk janë bërë…dua të theksoj se këto konsultime me shoqërinë civile në pubik, duhet të vlerësohen, për këtë është me rëndësi që Qeveria të ofrojë informacion se çfarë veprimesh jaë marrë për sa i takon procesit të konsultimit”, deklaroi ai.
Szunyog theksoi se po ashtu Qeveria nuk ka marrë parasysh komentet e BE-së lidhur me Ligjin për zyrtarët publik.
“Ky ligj drejtpërdrejt ndërlidhet me parimin e administratës publike moderne dhe marrëdhëniet për stabilizim asociim mes Kosovës dhe BE. Ne ndajmë të njëjtin objektiv për të ngritur kapacitetet dhe pranojmë që ka një boshllëk në këtë aspekt. BE, megjithatë nuk pajtohet me mënyrën se si Qeveria ka zgjedhur të rishikojë/shqyrtojë këtë Ligj. Dhe këtë më vjen keq të them që komentet që i kemi bërë, asnjëra nga këto nuk janë marrë parasysh nga Qeveria apo Parlamenti”, shtoi ai.
Në këtë konferencë i pranishëm ishte edhe kryeministri, Albin Kurti. /Teve1.info/
