Taekwondistët Bleron Ademi e Jon Gashi do ta përfaqësojnë Kosovën në turneun kualifikues evropian për Lojërat Olimpike “Parisi 2024” që të shtunën e të dielën mbahet në Sofje të Bullgarisë. Për të dy është rasti i fundit për të siguruar normën olimpike.
Konkurrenca do të jetë shumë e fortë, ndërsa të dyve u duhet vendi në finale për të siguruar pjesëmarrjen në Lojërat e Parisit.
Ademi garon në kategorinë deri 58 kilogramë, ndërsa Gashi në kategorinë deri 80 kg.
Ademi ka pasur suksese kulmore në grupmosha të reja, fillimisht për Suedinë e më pas për Kosovën. Për Kosovën u rendit i dyti në Evropianin për juniorë, vitin e kaluar.
Norma olimpike do të ishte sukses i jashtëzakonshëm për taekwondon kosovare.
