Gazmend Syla nga Organizata e Veteranëve të UÇK-së ka thënë se Gjykata Speciale është turpi i drejtësisë ndërkombëtare.
Ai duke kujtuar dënimet që janë bërë ndaj pjesëtarëve të UÇK-së, ka thënë se miqtë ndërkombëtar kërkuan formimin e Speciales, duke thënë për t’i hequr Kosovës njollën e zezë.
Por, Syla ka thënë se kjo njollë nuk është hequr.
“Dënimi i ish-krerëve të UÇK-së e cila është e gjithë kujt përpos e popullit të Kosovës, është vetëm vula e turpit të drejtësie ndërkombëtare. Kjo gjykatë nuk hoqi njollën as nga UÇK-ja nga Kosova dhe as nga ju. Nga ky shesh ju themi hiqeni këtë njollë”, tha ai.
Syla i ka bërë thirrje Qeverisë dhe kryeministrit Kurti të procedojë ligjin ndryshimin e Dhomave të Specializuara dhe ta miratojnë në Kuvend.
“Procedoni në Kuvend ligjin për ndryshimin e Dhomave të Specializuara dhe votojeni në Kuvend”, u shpreh ai.
