Sveçla ka thënë se sërish sot është shkatërruar një rrjet i kontrabanduesve të drogës që kanë bashkëvepruar mes Kosovës dhe Shqipërisë, më konkretisht në Mitrovicë dhe Fushë-Kosovë.
Sipas tij, nga ky aksion janë konfiskuar 56 kg substancë narkotike dhe janë arrestuar 5 pjesëtar të këtij grupi.
“Njësitet e anti-drogës nga Policia e Kosovës po vazhdojnë punën e tyre me intensitet të shtuar dhe me sukses. Pas shkatërrimit të një laboratori për kultivim të narkotikëve dje në Veri të Mitrovicës, sërish sot është shkatërruar një rrjet i kontrabanduesve të drogës që kanë bashkëvepruar mes Kosovës dhe Shqipërisë, konkretisht në Mitrovicë dhe Fushë Kosovë. Nga ky aksion janë konfiskuar mbi 56 kilogramë substancë narkotike të llojit marihuanë dhe janë arrestuar 5 pjesëtar të këtij grupi”, ka shkruar ai në një postim në Facebook.
Sveçla ka falënderuar Policinë e Kosovës në luftimin e të gjitha veprimtarive ilegale në tërë Kosovën.
“Përgëzoj Policinë e Kosovës dhe njësitet e saj relevante për përkushtimin e madh në zbatimin e misionit të tyre, luftimin e të gjitha veprimtarive ilegale në tërë territorin e Republikës së Kosovës dhe atë trans kufitar”, ka thënë ai. /teve1.info/
