Ky reagim i tij ka ardhur pas suspendimit të Drejtorit Rajonal të Policisë në Mitrovicën e veriut, Nenad Gjuriq.
Sveçla në Facebook ka thënë se refuzimi i zbatimit të institucioneve të Kosovës është cenim i rëndë i sigurisë dhe stabilitetit në vend.
Teksa ka theksuar se misioni i Policisë së Kosovës, është sundimi i ligjit dhe krijimin e ambientit të sigurtë për të gjithë qytetarët pa dallim.
“Policia e Kosovës është një dhe të gjithë pjesëtarët e saj duhet të kenë të njëjtin mision: sundimin e ligjit dhe krijimin e ambientit të sigurtë për të gjithë qytetarët pa dallim. Nuk do të lejojmë asnjë veprim që cënon këtë mision dhe bashkë me Policinë e Kosovës do të vazhdojmë zbatimin e tij”, ka shkruar ai.
Ndryshe u.d. drejtori i Përgjithshëm i Policisë së Kosovës, ka suspenduar sot nga detyra drejtorin rajonal në Mitrovicë të Veriut, Nenad Gjuriq.
Vendimi i tij ka ardhur pas rekomandimit të IPK-së për ta suspenduar nga ushtrimi i detyrave të përgjithshme të punës dhe autorizimeve policore drejtorin rajonal të Mitrovicës Veri, për mosrealizim të autorizimeve ligjore dhe zbatim të vendimeve zyrtare.
Sipas tij, arsyeja e suspendimit të Gjuriqit është se ai është ngritur në mbrojtje të serbëve në Kosovë./teve1.info/
