Asamblisti i LVV-së, Gëzim Sveçla ka deklaruar se konkurset në arsim janë kthyer në vegël të LDK-së për sistemime politike dhe nepotizëm partiak.
Sipas Sveçlës, këto konkurse janë pa transparencë në pikët e testit dhe intervistës.
Ai ka kërkuar hetim të plotë dhe përgjegjësi konkrete.
“Konkurset në arsim në Prishtinë janë kthyer në vegël të LDK-së për sistemime politike dhe nepotizëm partiak.Po marrim gjithnjë e më shumë ankesa nga kandidatë të denjë që, pavarësisht përgatitjes, përvojës dhe rezultateve të larta, po refuzohen në mënyrë sistematike nga komisione të njëjta. Konkurse të orkestruara, pa transparencë në pikët e testit dhe të intervistës, pa vlerësim të portfolios profesionale e pa meritokraci. Kjo nuk është më padrejtësi individuale. Kjo është strukturë e kapur, që dëmton drejtpërdrejt cilësinë e arsimit publik në kryeqytet. Nuk do ta lëmë këtë të kalojë në heshtje. Do të kërkojmë hetim të plotë dhe përgjegjësi konkrete”, ka shkruar Sveçla në Facebook./teve1.info/
