Në një deklaratë për media, Sveçla theksoi se kalimi i veturave nga Kosova në Serbi në pikëkalimin kufitar në Bërnjak, te Dheu i Bardhë e në Merdare është bërë pa problem, përcjell teve1.info
“Tashmë mund vetëm të konfirmoj se këtu në pikëkalimin kufitar në Bërnjak kishim një veturë të kolegëve tuaj e cila kaloj pa probleme. Do të thotë është ndërprerë lëshimi i fletë hyrje-daljeve nga autoritetet e Serbisë. Po ashtu mund të konfirmoj se e njëjta ka ndodhë edhe në pikëkalimin kufitar në Merdare, në Dheun e Bardhë dhe në Muçibabë”, tha ai.
Sveçla shtoi se sa i përket pikës kufitare në Jarinje ende nuk ka kaluar ndonjë veturë. Por ai theksoi se mund të konkludojë se autoritetet e Serbisë kanë ndërprerë lëshimin e fletë hyrje-daljeve për shtetasit e Kosovës. /Teve1.info/
