Inspektorati i Policisë së Kosovës ka konfirmuar se personi që kreu vrasjen në Bibaj të Ferizajt në parkingun e një salle dasmash është zyrtar policor.
Sipas IPK-së ai është arrestuar dhe është suspenduar.
Poashu bëhet e ditur se polici i suspenduar aktin e kishte kryer me armën zyrtare dhe më pas ishte vetdorëzuar në polici.
“Bazuar në informacionet fillestare dyshohet se zyrtari policor i dyshuar në këtë rast kishte shkuar në këtë lokacion dhe ka shtënë me armë zjarri në drejtim të viktimës i cili si pasojë e lëndimeve të pësuara ka ndërruar jetë .I dyshuari në këtë rast (zyrtari policor) pas kryerjes së veprës penale është vetdorëzuar në Stacionin Policor të Ferizajt ku edhe ka dorëzuar armën zyrtare e cila dyshohet se është përdorur në këtë rast. I dyshuari është arrestuar (dhe suspenduar) dhe me vendim të prokurorit të njëjtit i është caktuar masa e ndalimit për 48 orë për shkak të dyshimit të veprës penale “Vrasja e rëndë” sipas Kodit Penal të Republikës së Kosovës”, thuhet në komunikatë, përcjell teve1.info.
Arrestohet i dyshuari për vrasjen në Bibaj, dyshohet se është zyrtar policor
