I dyshuari për vrasjen në Bibaj të Ferizajt është një zyrtar i Policisë së Kosovës.
Lajmin e ka bërë të ditur majori i policisë në Ferizaj, Qazim Rekaj.
Ai ka bërë të ditur se i dyshuari është arrestuar dhe se për rastin është njoftuar Prokuroria Themelore në Ferizaj dhe Inspektorati i Policisë së Kosovës.
“Sot me 16.08.2024, në ora 19:25, në rrugën “Engjell Zefi” në fshatin Bibaj komuna Ferizaj, në parkingun e sallës së dasmave “Fron Pallac” ka ndodhur një vrasje, me të marrë informacionin, menjëherë ne vendin e ngjarjes kane dalë njësi policore reaguese dhe hetuesit, sipas informacioneve fillestare i dyshuari për kryerjen e kësaj vrasje është një zyrtar policor, i cili është arrestuar, në lidhje me rastin është njoftuar Prokuroria Themelore në Ferizaj dhe Inspektorati Policor, për informata tjera ju informojmë me raport shtese”, ka thënë Reka për teve1.info.
Edhe zëdhënësi i Inspektoratit Policor të Kosovës, Arbër Beka, ka thënë për teve1.info se dyshimet fillestare janë se i dyshuari për vrasjen është një pjesëtar i policisë dhe se ekipet përkatëse janë në vendin e ngjarjes. Ai ka thënë se për rastin do të ketë informacione shtesë.
