Tre zyrtarë policorë janë suspenduar të martën në Skenderaj, ka njoftuar Policia e Kosovës.
Siç thuhet në njoftim, suspendimi i tyre është bërë në ndërlidhje me rastin e Prishjes së Rendit dhe Qetësisë Publike (PRQP).
Vendimi është marrë në koordinim edhe me Inspektoratin Policor të Kosovës ( IPK) në kohëzgjatje prej 72 orësh.
“Hetimet e mëtejme ndaj zyrtarëve policorë për shkelje të mundshme do të zhvillohen nga institucionet përkatëse kompetente”, thuhet në njoftim.
Ndryshe, gjatë vizitës së kryeministrit në detyrë të Kosovës, Albin Kurti, këtë të martë në Skënderaj, eskorta e tij është sulmuar me vezë.
