Nuk ka pushim për skuadrat e Superligës së Kosovës në futboll, me xhiron e ardhshme që do të zhvillohet menjëherë në mesjavë.
Të mërkurën dhe enjten, do të luhen ndeshjet e xhiros së 31-të, që do të jetë tejet interesante dhe të gjitha do të startojnë nga ora 15:00.
Tri ndeshje do të luhen të mërkurën, ndërsa xhiroja do të mbyllet të enjten me dy ndeshjet e fundit që janë në program.
Derbi Drita – Prishtina luhet të mërkurën, sikurse edhe përballjet Llapi – Prishtina e Re dhe Malisheva – Gjilani.
Ndërkohë, të enjten do të zhvillohen duelet Drenica – Ballkani dhe Ferizaj – Dukagjini.
Aktualisht, Drita prinë në tabelë me 57 pikë, pesë më shumë se Ballkani që renditet i dyti, duke lënë pas vetes Malishevën dhe Prishtinë, me 46 dhe 45 pikë të tubuara.
Deri në fund të sezonit aktual të Superligës së Kosovës, kanë mbetur edhe gjashtë xhiro për t’u zhvilluar.
