Superliga e Kosovës në futboll, vazhdon me ndeshjet e xhiros së 12-të, ku dy përballje janë në program për ditën e sotme.
Në stadiumin “Liman Gegaj”, skuadra e Malishevës pret Gjilanin, në një ndeshje që pritet të jetë tejet interesante.
Në këtë duel, në krye të Malishevës debuton trajneri i ri, Elon Berisha, që u zyrtarizua ditë më parë.
Ndërkohë, edhe Gjilani nën drejtimin e Debatik Currit synon të rikthehet te fitorja.
Dueli tjetër interesant, është ai ndërmjet Ferizajt dhe Dukagjinit të Klinës, ndeshje e fortë nga të dyja skuadrat.
Dukagjini do të jetë me trajnerin e ri, Ndue Përgjokaj pas largimit të papritur të Ismet Munishit.
Të dyja ndeshjet e kësaj xhiroje, startojnë nga ora 13:00.
