Sot, vazhdon xhiro e tetë e Superligës së Kosovës, me dy ndeshje.
Të dyja ndeshjet nisin në orën 15:00, dhe njëra luhet në Klinë kirse tjetra në Ferizaj.
Skuadra e Dukagjinit pret Prishtinën e Re, në një duel që pritet të jetë mjaft interesant, pasi të dyja synojnë pikët e plota.
Dukagjini kërkon ta vazhddojë formën e mirë për të mbetur në pjesën e epërme të tabelës, ndërsa Prishtina e Re kërkon fitoren e parë me trajnerin Shpëtim Babaj, i cili ka dy humbje.
Dueli tjetër, është ai ndërmjet Ferizajt e Drenicës.
Te Ferizaj që është i fundit në tabelë, do të debutojë trajneri Nevil Dede, i cili ditë më parë mori drejtimin e ekipit pas largimit të Arsim Abazit.
