Sot, do të përfundoj xhiroja e 28-të e Superligës së Kosovës në futboll, me dy ndeshje që do të startojnë nga ora 15:00.
Në stadiumin “Liman Gegaj”, Malisheva do të përballet me Dritën kurse Gjilani e pret në shtëpi skuadrën e LLapit.
Të dyja ndeshjet pritet të jenë interesante, me Malishevën që synon ta forcoj pozitën e tretë në tabelë, të cilën e mbanë me 44 pikë.
Drita prinë në tabelë me 60 pikë dhe nuk di për humbje në katër ndeshjet e fundit, ku ka regjistruar tri fitore e një barazim.
Edhe dueli tjetë, ai ndërmjet Gjilanit e Llapit pritet të jetë shumë interesant.
Gjilani është i pesti në tanelë me 38 pikë, tetë më shumë se Llapi që renditet i parafundit dhe i duhet fitorja për ti ikur zonës së rënies.
Llapi në dy ndeshjet e fundit në kampionat ka marrë vetëm një pikë, duke regjistruar një barazim dhe një humbje.
