Superliga e Kosovës në futboll këtë javë zhvillon xhiron e dhjetë, ndërkohë që nis fazën e dytë të garave.
Takimi që e hap këtë xhiro zhvillohet sot me Ballkanin që është nikoqir i Lirisë, me fillim nga ora 13:00.
Ekipi prizrenas në 5 takimet e fundit nuk din për fitore, ndërsa nga klubi shprehen të motivuar edhe pse thonë se nuk ka ndeshje të lehtë në Superligë. Robert Gjeraj shpreson që skuadra e tyre të merr një rezultat pozitiv.
“Nuk ka ndeshje të lehtë në Superligë, secila është e vështirë. Por, na ka ndihmuar pauza e kombëtareve dhe jemi përgatitur për të marr një rezultat pozitiv pas asaj ecurie negative. Ballkani dihet që ka një super skuadër. Futbollistët janë shumë të motivuar dhe do të japin maksimumin për të marrë më të mirën kundër një ekipi kampion”.
Ndeshjen e parë mes këtyre dy skuadrave në xhiron hapëse, e kishte fituar skuadra e Ilir Dajës me rezultatin e ngushtë 0-1, si mysafir në Përparim Thaqi.
Ballkani që në 8 xhirot e para nuk din për humbje, futet në këtë ndeshje si lider me 20 pikë, ndërsa Liria e sheh vetën në pozitën e 9 me 6 pikë, një fitore 2 barazime dhe 5 humbje.
