Të hënën, në ambientet e Federatës së Futbollit të Kosovës (FFK), është bërë tërheqja e shortit për sezonin e ri në Superligë.
Sezoni 2025/26 në elitën e futbollit kosovar starton më 16 gusht dhe pritet të jetë i fortë dhe tejet interesant, me të gjitha 10 skuadrat që synojnë rezultate pozitive.
Ndeshjet e xhiros së parë, do të luhen më 16 e 17 gusht dhe menjëherë do të ketë ndeshje derbi në këtë xhiro të Superligës.
Gjilani – Ballkani, pritet të jetë ndeshja më e fortë e xhiros së parë, ndonëse edhe përballjet tjera do ta kenë rëndësinë e tyre.
Duel tjetër interesant është edhe ai ndërmjet Dukaginit e Prishtinës që do të luhet në Klinë, ndërsa kampionia në fuqi, Drita, mbrojtjen e titullit e nis në udhëtim te skuadra e Ferizajt.
Prishtina e Re, që debuton në elitën e futbollit kosovar do të jetë mysafire e Malishevës kurse Drenica e rikthyer në Superligë përballet në shtëpi me Llapin.
Pra, çiftet e xhiros së parë të sezonit 2025/26 janë: Dukagjini – Prishtina, Gjilani – Ballkani, Malisheva – Prishtina e Re, Ferizaj – Drita dhe Drenica – Llapi.
