Granit Xhaka do të kthehet për të luajtur në Premier League, por te skuadra e Sunderlandit.
Marrëveshja mes Sunderlandit dhe Bayer Leverkusenit, tashmë është arritur dhe pritet të zyrtarizohet brenda kësaj jave.
Sunderlandi është pajtuar të paguajë 20 milionë euro për kartonin e Xhakës, i cili me ekipin anglez do të firmos kontratë trevjeçare me pagë javore prej 125 mijë eurosh.
Mesfushori 32-vjeçar largohet pas dy sezonesh nga Leverkuseni, ekip me të cilin kishte kontratë deri në vitin 2028 dhe fitoi titullin, kupën dhe Superkupën e Gjermanisë në sezonin e tij të parë.
Xhaka e njeh mirë kampionatin anglez pasi prej vitit 2016 deri në vitin 2023 luajti për Arsenalin dhe në 225 ndeshje në Premier League, ka shënuar 17 gola dhe ka bërë 24 asistime.
