Studiuesi i filozofisë politike, Latif Mustafa ka vlerësuar se opozita është e interesuar për shkuarje në zgjedhje të parakohshme.
Sipas tij, opozita zgjedhjet po i dëshiron për shkak të momentumit të krijuar për Vjosa Osmanin e cila pritet ty hyjë garës politike pas përfundimit të mandatit si presidente.
Mustafa në emisionin “Këndi i Debatit” në Tëvë1 ka thënë se opozita shpreson që Osmani mundet të dëmtojë Lëvizjen Vetëvendosje.
“Opozita është e interesuar për zgjedhje ngase është krijuar momentumi ‘Vjosa’. Shpresa është se kjo do ta dëmtojë LVV-në. Fushata, pozicionimin e saj dhe retorikën ndaj Kurtit. Opozita e sheh mundësinë që Vjosa e lind momentin anti-Albin, që nuk e ka pasur opozita”, ka thënë ai.
Sipas tij, hapat që ka bërë Osmani dhe qëndrimet e opozitës duket sikur janë të nënrenditura.
Mustafa ka thënë se Gjykata Kushtetuese me aktgjykimin e saj ka lënë deren hapur për shkuarje ne zgjedhje të parakohshme.
Gjykata Kushtetuese ka vendosur që dekreti i Vjosa Osmanin për shpërndarjen e Kuvendit nuk ka efekt juridik.Poashtu në aktgjykim është dhënë afat 34 ditë për zgjedhjen e presidentit.
