Policia e Kosovës ka arrestuar një person në Podujevë, nën dyshimet për sulm fizik ndaj një viktime pas një mosmarrëveshjeje.
Sipas raportit 24-orësh të Policisë,
rasti ka ndodhur më 6 maj rreth orës 16:50 dhe është iniciuar si “Lëndim i lehtë trupor” dhe “Mbajtje në pronësi, kontroll ose posedim i paautorizuar i armëve”.
Dyshohet se i arrestuari ka sulmuar viktimën me mjet të fortë, duke shkaktuar lëndime trupore, ndërsa lëndime kanë pësuar edhe persona të tjerë të përfshirë në incident, të cilët kanë marrë trajtim mjekësor.
Gjatë kontrollit, policia ka konfiskuar dy boksa të hekurit si prova materiale.
Pas intervistimit, me vendim të prokurorit, i dyshuari është dërguar në mbajtje.
“Pas një mosmarrëveshje, i dyshuari mashkull kosovar dyshohet se ka sulmuar fizikisht dhe me mjet të fortë viktimën mashkull kosovar. Lëndime trupore kanë pësuar palët e përfshira në rast të cilët kanë marrë tretman mjekësor. Në cilësi të provave materiale janë gjetur dhe konfiskuar dy boksa të hekurit. I dyshuari pas intervistimit me vendim të prokurorit dërgohet në mbajtje”, njofton Policia në raportin 24-orësh/teve1.info/
