Sot është sulmuar fizikisht ushtruesi i detyrës së drejtorit të minierës në Stan Tërg, Bahri Karaça.
Lajmin për teve1.info e ka konfirmuar vetë U.D drejtori i minierës, i cili tha se nga ky sulm ka pranuar lëndime të vogla.
Karaça tha se sulmuesi është punëtor i Trepçës.
“Po jam sulmuar është punëtor i Trepçës. Tani jam duke shku në Prishtinë, nuk është lëndim serioz. Është në dijeni edhe policia”, ka deklaruar ai.
Se Karaça është sulmuar e kanë konfirmuar edhe nga Policia e Kosovës.
“Rreth orës 11:00, ankuesi mashkull shqiptar i Kosovës, ka raportuar se në vendin e tij të punës në zyrat e Minierës në Trepçë, është sulmuar nga i dyshuari, po ashtu mashkull shqiptar i Kosovës. Viktima ka kërkuar tretman mjekësor. I dyshuari është duke u intervistuar”, ka thënë zëdhënësi i policisë për rajonin e Mitrovicës, Avni Zaiti./teve1.info
