Ministri në detyrë i Financave, Hekuran Murati, ka njoftuar se nga ky muaj të gjithë shërbyesit publik që punojnë në organizatat buxhetore do të marrin një rritje të pagës prej 55 eurosh.
Sipas tij, kjo është faza e dytë e rritjes së planifikuar për vitin 2025, që përmbyll shtesën totale prej 110 eurosh për secilin punonjës.
“Rritja e këtij muaji e kompleton rritjen e paraparë për vitin 2025 prej 110 eurosh për secilin punonjës. Kjo rritje është bërë në dy faza – faza e parë nga janari dhe faza e dytë nga korriku”, ka shkruar Murati në Facebook.
Me këtë masë, qeveria synon të përmirësojë mirëqenien e punonjësve të sektorit publik, të cilët përfshijnë mësimdhënës, punonjës të administratës publike, të shëndetësisë dhe sektorë të tjerë të financuar nga buxheti i shtetit.
