Agjencia e Ushqimit dhe Veterinarisë ka njoftuar se ka nxjerrë vendim për heqjen e ndalesës se importit të gjedheve, deleve, dhive dhe derrave dhe produkteve të tyre, me origjinë nga shteti i Hungarisë.
Sipas AUV-it, masa e kufizimit të importit, e vendosur më 25 korrik, mbetet vetëm për zonat administrative Kisbajecs, Gyor-Moson-Sopron të Hungarisë.
“Ky ndryshim i masës kufizuese të importit për Hungarinë, është veprim në linjë me vendimet e shteteve tjera. Falë vendimeve dhe veprimeve profesionale të menjëhershme të AUV-së, në koordinim me vendet tjera, Kosova e kaloi situatën me sukses, duke mos regjistruar asnjë rast të dyshuar për prezencë të sëmundjes Afta Epizootike në vend”, thuhet në njoftim.
