Dy zyrtarë korrektues janë sulmuar fizikisht nga një i burgosur në Burgun e Sigurisë së Lartë, në fshatin Gërdoc të Podujevës.
Rasti ka ndodhur mëngjesin e së premtes. Sipas raportit 24-orësh të Policisë së Kosovës, situata është vënë nën kontroll pasi ndaj të burgosurit është përdorur sprej.
Pas incidentit, dy zyrtarët korrektues dhe i burgosuri kanë marrë tretman mjekësor.
“Fsh. Gerdoc, Podujevë 04.09.2026-08:10. Nga Burgu i Sigurisë së Lartë është raportuar se i burgosuri mashkull kosovar ka sulmuar fizikisht dy zyrtarë korrektues meshkuj kosovarë. Gjatë futjes së situatës nën kontroll ndaj të burgosurit është përdorur sprej. Dy viktimat dhe i burgosuri kanë pranuar tretman mjekësor. Me vendim të prokurorit rasti është iniciuar si më lartë dhe vazhdon në procedurë të rregullt”, thuhet në raportin e Policisë së Kosovës.
Rasti është iniciuar me vendim të prokurorit dhe po vazhdon në procedurë të rregullt./teve1.info/
