Një sulm ajror izraelit në një fshat në Libanin lindor vrau 12 persona, thanë mediat shtetërore të martën.
Sulmi goditi fshatin Mashghara në Luginën Bekaa të hënën vonë, sipas Agjencisë Kombëtare të Lajmeve shtetërore të Libanit.
Ushtria izraelite ka lëshuar urdhra për thirrje në shërbim të ushtarëve rezervë me qëllim zgjerimin e ofensivës së saj në Liban, raportoi të martën transmetuesi publik i Izraelit KAN.
Ushtria ka filluar mobilizimin e rezervistëve për të rritur aktivitetin e saj përtej vijës së armëpushimit në Liban, deklaroi transmetuesi, duke vënë në dukje se ushtarëve të liruar së fundmi nga shërbimi u është urdhëruar të kthehen menjëherë.
Megjithatë, raporti nuk specifikonte numrin e rezervistëve që do të mobilizoheshin, shkruan Anadolu.
Masa pasoi një takim të së dielës të Kabinetit të Sigurisë Izraelite, gjatë të cilit Shefi i Shtabit të Ushtrisë, Eyal Zamir, thuhet se bëri thirrje për sulme të reja në kryeqytetin libanez, Bejrut, në përgjigje të sulmeve me dronë të Hezbollahut.
Izraeli i ndaloi përkohësisht sulmet e tij në Bejrut në prill me kërkesë të SHBA-së, por ka vazhduar të shkelë armëpushimin në mënyrë të vazhdueshme.
Sipas zyrtarëve libanezë, gati 3,200 persona janë vrarë, mbi 9,600 janë plagosur dhe më shumë se 1.6 milionë janë zhvendosur nga bombardimet izraelite në Liban që nga 2 marsi kur filloj lufta.
