FC Drita po përjeton një nga kapitujt më të artë në historinë e saj evropiane, jo vetëm në aspektin sportiv, por edhe financiar. Paraqitjet në UEFA Conference League i kanë sjellë klubit kosovar miliona euro në arkë, duke konfirmuar rritjen dhe stabilitetin e tij në arenën ndërkombëtare.
Sipas shifrave të deritanishme, Drita ka siguruar plot 5 milionë e 492 mijë euro, të ndara si më poshtë:
700 mijë euro nga raundet kualifikuese
3 milionë e 170 mijë euro nga kualifikimi në Fazën e Ligës
800 mijë euro nga fitoret në Fazën e Ligës
266 mijë euro nga barazimet në Fazën e Ligës
476 mijë euro nga pozita finale në Fazën e Ligës
80.1 mijë euro bonuse shtesë për shkak të numrit të barazimeve
Por këtu nuk mbaron gjithçka. Drita ka të garantuara edhe:
+200 mijë euro në rast eliminimi ndaj Celje ose AZ
+400 mijë euro për çdo fitore tjetër
ose 133 mijë euro për çdo barazim tjetër
Këto shifra e bëjnë Dritën një nga klubet më të suksesshme financiarisht nga Kosova në garat evropiane, duke treguar se investimi, organizimi dhe paraqitjet e mira në fushë shpërblehen edhe me miliona euro.
