Klubi nga Liga e Parë e futbollit në Kosovë, Prishtina e Re ka prezantuar përforcimin e ri, futbollistin e njohur Suad Sahiti.
Përfaqësuesi i Kosovës, do të ndihmoj ekipin nga Hajvalia që prin në grupin B të Ligës së Parë, për inkuadrim në Superligë edicionin e ardhshëm.
Sahiti ka karrierë të bujshme në shumë skuadra vendore e të huaja.
“Me kënaqësi ju prezantojmë ardhjen tonë më të re, futbollistin e mirënjohur Suad Sahiti. Suadi është emër i njohur për të gjithë, pasi që bëri karrierë të bujshme në arenën ndërkombëtare. Së fundi ishte pjesë e FC Feronikeli 74, ndërsa ka qenë pjesë edhe e klubeve si Ramiz Sadiku, Hajvalia, Rabotniçki, Skenderbeu, Ael Larisa, Septemvri Sofia, Wisla Plock, Zrinjski Mostar, Sibenik & Shkupi”, ka shkruar klubi në Facebook.
“Duke ditur kualitetin e tij dhe nivelet e larta që ka luajtur, Suadi presim t’a ndihmoj klubin për disa vite në arritjen e objektivave afatgjate, ashtu siç jemi dakorduar me të. Përkundër ofertave shumë të mira brenda dhe jashtë vendit, Suadi zgjodhi projektin tonë. Suadi do t’i jap shumë vlerë e cilësi repartit tonë të sulmit, cilësor edhe ashtu”, raporton klubi Prishtina e Re për Sahitin.
