Qelizat mund të dëgjojnë tinguj, gjithashtu, ato ndjejnë presionin e ushtruar nga valët e tingujve dhe reagojnë ndaj tij duke aktivizuar gati 200 gjene.
Kërkuesit nga Universiteti i Kiotos në Japoni e zbuluan këtë në një studim që mund të hapë mundësi të reja për përdorimin e tingujve në mjekësi.
Rezultatet janë publikuar në revistën Communications Biology, shkruan agjencia italiane e lajmeve ANSA.
“Për të hetuar efektet e tingujve në aktivitetin qelizor, zhvilluam një sistem që na lejon të zhysim qelizat e kultivuara në valë akustike”, thotë studiuesi Masahiro Kumeta.
Pas ekspozimit të qelizave ndaj stimulimit akustik, studiuesit analizuan ato nën mikroskop dhe i analizuan duke renditur ARN-në e tyre për të parë se cilët gjene ishin aktivizuar.
Rezultatet treguan se tingulli shkakton një përgjigje në nivelin qelizor: në veçanti, ata panë se ai pengon ndjeshëm diferencimin e qelizave të dhjamit, adipociteve.
Ky vëzhgim sugjeron se stimulimi akustik mund të përdoret për të rregulluar gjendjen e qelizave dhe indeve.
“Pasi tingulli është i pamaterializuar, stimulimi akustik është një mjet jo-ndërhyrës, i sigurt dhe i menjëhershëm që me shumë gjasë do t’i jep përfitim mjekësisë dhe kujdesit shëndetësor”, thotë Kumeta.
Ekipi i kërkimit gjithashtu identifikoi rreth 190 gjene të ndjeshme ndaj tingujve, rindërtoi mekanizmin përmes të cilit sinjalet e tingujve transmetohen brenda qelizave dhe vëzhgoi efektin e rezultatit në kapacitetin e tyre të ngjitjes.
