Zëdhënësi i Bashkimit Evropian Peter Stano, në një konferencë për media ka thënë se hetimi për sulmin në Banjska, duhet të bëhet nga autoritetet kosovare.
Stano tha se nuk i është dorëzuar ende një raport në lidhje me hetimet në Banjskë nga Kosova.
“Në lidhje me hetimin. Fillimisht, hetimi duhet të bëhet nga autoritetet kosovare. Nëse po i referoheni incidentit në Banjskë, të 24 shtatorit, kjo është diçka që ka ndodhur në territorin e Kosovës dhe autoritetet kosovare janë përgjegjëse për hetimin dhe ofrimin e një raporti të plotë hetimi. Kjo nuk ka ndodhur ende, kështu që nuk mund të vazhdojmë pa pasur rezultatet e hetimit”, tha Stano.
Derisa, Stano theksoi se pret mbështetje nga pala serbe, siç e quajti ai, për sulmin e tmerrshëm.
“Menjëherë pas sulmit, në ditët, javët dhe muajt që pasuan, ne e bëmë të qartë qëndrimin tonë se çka presim si nga Kosova ashtu edhe nga Serbia kur është fjala edhe për pjesëmarrjen dhe mbështetjen e mundshme për këtë sulm të tmerrshëm. Nuk po flas këtu për Serbinë si shtet, por për palën serbe. E gjithë kjo do të duhej të jetë pjesë e hetimit, gjetjet e së cilit shpresojmë se do të përfshihen në raportin përfundimtar të hetimit, i cili ende nuk ka përfunduar, ose të paktën nuk është ndarë me ne deri në këtë fazë”, ka thënë Stano.
Ndryshe, më 24 shtator 2023 u vra polici Afrim Bunjaku nga autoritetet serbe./teve1.info/
