Skuadra që po debuton këtë sezon në Superligën e Kosovës në futboll, Prishtina e Re ndeshjet si vendase do ti luajë në Lipjan.
Prishtina e Re, të mërkurën ka konfirmuar stadiumin “Sami Kelmendi” si shtëpinë e saj për sezonin 2025/26.
Ndeshjen e parë të këtij sezoni në shtëpi, Prishtina e Re do ta zhvillojë këtë vikend, saktësisht të dielën prej orës 16:30.
Kundërshtar i Prishtinës së Re do të jetë Ferizaj, ekip që në xhiron e parë triumfoi 1:0 ndaj Dritës.
Edhe Prishtina e Re, sezonin 2025/26 në elitën e futbollit kosovar e ka nisur me fitore, dhe atë duke triumfuar 4:0 në udhëtim te Malisheva.
