Blerja e biletave për koncerte shpesh është kthyer në një proces të vështirë, ku shumë fansa humbasin mundësinë edhe pse janë të pranishëm në kohë dhe përpiqen vazhdimisht.
Për të adresuar këtë problem, Spotify ka prezantuar një shërbim të ri të quajtur “Reserved”, i cili synon t’u japë përparësi fansave më të përkushtuar të artistëve.
Shërbimi, i cili do të jetë i qasshëm fillimisht në SHBA për abonentët e Spotify Premium mbi moshën 18 vjeç, do të identifikojë fansat më aktivë të një artisti bazuar në dëgjime, shpërndarje dhe aktivitet në platformë.
Këta përdorues do të kenë mundësinë të blejnë deri në dy bileta përpara se ato të dalin në shitje për publikun e gjerë.
Sipas Spotify, sistemi synon të reduktojë ndikimin e rishitësve dhe të rrisë mundësinë që biletat të shkojnë te fansat e vërtetë.
Megjithatë, kompania thekson se jo të gjithë fansat do të përfitojnë, pasi numri i vendeve është i kufizuar në raport me kërkesën e lartë.
Fansat e përzgjedhur do të njoftohen përmes emailit dhe aplikacionit dhe do të kenë një afat të kufizuar kohor për të përfunduar blerjen.
“Reserved” pritet të zgjerohet gradualisht në tregje dhe turne të ndryshme, duke u bërë pjesë e strategjisë më të gjerë të Spotify për mbështetjen e muzikës live dhe lidhjes më të drejtpërdrejtë mes artistëve dhe audiencës së tyre.
Muzika mund të të ndjekë kudo gjatë jetës dhe tani sipas Spotify, edhe në “afterlife”.
Platforma e njohur e streaming-ut ka prezantuar një produkt të pazakontë: një urnë kremacioni me altoparlant Bluetooth të integruar, të quajtur Eternal Playlist Urn.
Vetëm 150 njësi janë prodhuar, me çmim 495 dollarë.
Urna ka përmasa rreth 7 me 11 inç dhe peshon 2.4 pound.
Altoparlanti ndodhet në pjesën e poshtme të kapakut dhe lejon transmetimin e playlistave nga çdo pajisje e pajtueshme përmes Bluetooth-it.
Produkti vjen me kabllo karikimi USB-C.
