Spitali i Përgjithshëm i Pejës ka deklaruar në lidhje me plagosjen e trefishtë në Deçan që ka ndodhur të martën në orët e para të mëngjesit.
Spitali ka treguar se pas dhënies së ndihmës së parë mjekësore, dy pacientë janë bartur për trajtim të mëtejmë në QKUK.
Nga spitali kanë bërë të ditur se një pacient është duke vazhduar trajtimin në këtë spital të Pejës dhe gjendet jashtë rrezikut për jetë.
Ndërkohë, këtë rast e ka konfirmuar edhe zëdhënësi i policisë për rajonin e Pejës, Fadil Gashi.
“Më 13 janar, rreth orës 00:18, policia është njoftuar se në një lokal ka të shtëna me armë zjarri. Policia ka dalë në vendin e ngjarjes, ku në një lokal ka vërejtur tre persona të shtrirë, të lënduar nga arma e zjarrit. Të njëjtit janë dërguar në QMF dhe pastaj në Emergjencës e Spitalit të Pejës.Një person i dyshuar është arrestuar dhe me urdhër të prokurorit të shtetit është dërguar në mbajtje për 48 orë. Në vendin e ngjarjes kanë dalë të gjitha njësitë kompetente për të sqaruar rrethanat e ngjarje, ndërsa janë sekuestruar 1 armë, 1 karikator me 9 fishekë”, tha Gashi.
Lidhur me rastin, policia ka bërë të ditur se një person është arrestuar në vendin e ngjarjes. I njëjti është dërguar në mbajtje për 48 orë.
Gjithashtu, policia deklaroi se ka sekuestruar armë, fishekë, dhe karikator./teve1.info/
