Spitali i Përgjithshëm “Isa Grezda” në Gjakovë ka dhënë detaje lidhur me gjendjen shëndetësore të personit që u plagos me armë zjarri të hënën në rrugën “Dëshmorët e Hereqit”.
Sipas njoftimit zyrtar të spitalit, pacienti është pranuar rreth orës 16:25 në Shërbimin Emergjent, ku menjëherë i janë kryer ekzaminimet dhe shërbimet e nevojshme mjekësore, si dhe i është ofruar trajtimi përkatës.
Gjendja e tij shëndetësore aktualisht është stabile dhe ai po vazhdon të trajtohet në spital.
“Sot, rreth orës 16:25, në Shërbimin Emergjent të Spitalit të Përgjithshëm ‘Isa Grezda’ në Gjakovë është sjellë një pacient i plagosur me armë zjarri. Menjëherë pas pranimit, pacientit i janë kryer të gjitha ekzaminimet dhe shërbimet e nevojshme mjekësore, si dhe i është ofruar trajtimi përkatës. Pacienti është i shtrirë në spital për trajtim të mëtejshëm dhe gjendja e tij aktualisht është stabile”, thuhet në njoftim.
Ndryshe, rasti është raportuar të ketë ndodhur të hënën në rrugën “Dëshmorët e Hereqit” në Gjakovë, ndërsa Policia e Kosovës ka njoftuar se i dyshuari është arrestuar pas incidentit./teve1.info/
