Një person është plagosur me armë zjarri pasditen e së hënës në rrugën “Dëshmorët e Hereqit” në Komunën e Gjakovës.
Zëdhënësja e Policisë së Kosovës për rajonin e Gjakovës, Vlera Krasniqi, ka konfirmuar për tëvë1.info se i dyshuari është arrestuar pas incidentit, ndërsa viktima ka pranuar trajtim mjekësor.
“Rreth orës 16:10, në rrugën ‘Dëshmorët e Hereqit’ në Gjakovë, është raportuar një rast i plagosjes me armë zjarri. Bazuar në informacionet fillestare, viktima ka pranuar tretman mjekësor, ndërsa i dyshuari është arrestuar”, ka deklaruar Krasniqi.
Sipas saj, të dy personat e përfshirë në rast, viktima dhe i dyshuari, janë meshkuj, shtetas të Republikës së Kosovës dhe të moshës madhore.
Ndërkohë, njësitë relevante policore ndodhen në vendngjarje dhe po ndërmarrin veprimet e nevojshme hetimore për të sqaruar plotësisht rrethanat dhe motivin e incidentit./teve1.info/
