Mesfushori i Manchester Cityt, Rodri do të jetë mungesa e madhe te Spanja në përballjen ndaj Shqipërisë, e cila i takon xhiros së fundit të fazës së grupeve në “Euro 2024”.
Spanja dhe Shqipëria, përballen të hënën prej orës 21:00 në duelin që i takon Grupit B. Rodri nuk do të luaj në këtë duel për shkak të kartonëve të verdhë, ndërsa thuhet se trajneri i Spanjës, Luis de la Fuente do t’i pushoj edhe disa prej titullarëve kundër Shqipërisë.
Spanja, tashmë ka siguruar kalimin në fazën nokaut, ndërsa Shqipëria po synon të bëjë një gjë të tillë pas këtij takimi.
Aktualisht, Spanja i prinë grupit me 6 pikë të mbledhura pas dy ndeshjeve, ndërsa Shqipëria është e treta me vetëm një pikë. Spanja ka mposhtur Kroacinë 3:0 dhe Italinë 1:0 në dy ndeshjet e para të grupit, ndërsa Shqipëria ka pësuar 2:1 nga Italia dhe ka luajtur 2:2 me Kroacinë.
