Spanca për Tëvë1 tregoi se opinion të kundërt kanë dhënë edhe për pasqyrat financiare të Radio Televizionit të Kosovës.
“Zyra Kombëtare e Auditimit kryen edhe auditime financiare apo të parregullsisë të ndërmarrjeve publike. Në planin auditues kemi përfshirë 12 ndërmarrje publike, për të gjitha kemi dhënë opinione të modifikuara. Përkatësisht janë 10 opinione të kundërta dhe 2 opinione të kualifikuara. Kjo do të thotë se në 10 ndërmarrje publike raportimi financiar nuk ka qenë në nivelin e duhur. Pasqyrat financiare në 10 ndërmarrje publike kanë përmbajtur keq deklarime materiale. Opinion të kundërt kemi dhënë për pasqyrat financiare të Radio televizionit të Kosovës dhe për Komunën e Istogut”, tha ajo në emisionin “Ditari”.
Më tej, ajo bëri të ditur se sezona e auditimit do përmbyllet me 30 gusht. Pra, me kryerjen e auditimit të raportit vjetor të buxhetit të Republikës së Kosovës.
