Trajneri i Juventusit, Luciano Spalletti ka folur për shumë gjëra pas humbjes nga Napoli 2:1 në ndeshjen derbi të xhiros së 14-të në Serie A.
Napoli mposhti Juventusin me rezultat 2:1, ndërsa Spalletti ka pranuar se napolitanët ishin më të mirë.
Gjithashtu, Spalletti është pyetur edhe për Edon Zhegrovën, të cilin në këtë përballje e inkuadroi në minutën e 82-të.
Sipas trajnerit, Zhegrova gjatë tërë javës ka pasur shqetësime, ka qenë jashtë stërvitjes dhe i duhet kohë për ta rikthyer formën fizike.
Spalletti pranoi se do të donte ta inkuadronte Zhegrovën më herët, por forma e tij fizike bëri që ai të luajë në minutat e fundit.
“Nuk ka probleme personale, por ai vjen nga një pushim i gjatë. Ai është një lojtar i shkëlqyer në 15 metrat e fundit, por këtë javë ka përjetuar shqetësime dhe ka qenë jashtë stërvitjes. Duhet kohë për ta rikthyer në formë. Do të doja ta përdorja më shumë, por ai duhet ta rifitojë formën e tij fizike”, ka thënë Spalletti.
