Profesori Universitar, Nexhmedin Spahiu, ka thënë se Lidhja Demoktarike e Kosovës tash e shumë vite ka mungesë të lidershipit
“LDK ka pasur mungesë të lidershipit që nga vdekja e ish-presidentit Rugova. E vetmja figurë që mundet me përbashku LDK-së, është Lutfi Haziri. Ai gjithmonë ka qenë juniori i LDK-së, por tashmë është veterani”, ka thënë, Nexhmedin Spahiu, në emisionin “Këndi i Debatit” në Tëvë1.
Haxhiu komentoi edhe aludimet se kryetari i Prishtinës, Përparim Rama mund ta marrë drejtimin e LDK-së.
“Nëse LDK-në do ta udhëheq Përparim Rama, do të të mbetet degë e PDK-së”, theksoi Haxhiu.
Ai foli për koalicionin e mundshëm VV-LDK.
“Për koalicionin që po flitet me VV-në, Kurti po e mban pazarin lartë. Ai nuk po ofron pozitën e presidentit. LDK mund ta marrë vetëm pozitën e kryetarit të parlamentit. Gjëja me normale është që VV t’ia ofrojë pozitën e presidentit LDK-së. Kjo parti nuk ka nevojë për pozita të ministrave. Pozita e vetme e prekshme është ajo e presidentit pasi duhen 80 vota që të emrohet ose largohet”, tha ndër të tjera Nexhmedin Haxhiu.
