Profesori universitar, Nexhmedin Spahiu ka thënë se Lëvizja Vetëvendosje mund ta bëjë Qeverinë vet me minoritete, duke llogaritur edhe pjesën që mund të marrë deputetë edhe nga partitë tjera.
Ai tha se pret me pas “peshkime” nga LVV nëse Nisma “heq” dorë nga koalicioni me partinë e kryeministrit, Albin Kurti.
Spahiu tha se nëse kryetari i Nismës, Fatmir Limaj do të hy në koalicion do ta ketë mundësinë shumë të mirë që ta tregojë vetën se sa punëtorë është.
“Besoj që LVV mund ta bëjë Qeverinë vet me minoritetet, duke llogaritur atë që mund të këtë deputetë të partive tjera të cilët mund të peshkohen nga LVV. Po pres me pas peshkime nëse duhet dhe nëse Nisma i bijën pishman që të futet në koalicion me LVV-në – atëherë mund të ndodhë kjo. Kjo është një gjë shumë me mend nga ana e Limajt për shkak që e para si parti e vogël e ka mundësinë që duke qenë në qeverisje të rritet, e dyta duke qenë se Limaj është punëtorë… atëherë puna e tij do të mund të binte në sy shumë lehtë”, ka deklaruar ai në emisionin “Info Nata” në Tëvë1.
Se a do të këtë koalicion me Limajn, ai tha se do të varet nga ‘pazari” që do të kenë.
“Kjo varët nga pazari që do ta bëjnë Kurti me Limajn nëse do ta bëjnë. Sigurisht që ata do të ulën dhe do të negociojnë për kushtet e një koalicioni të tillë. Por mendimi im është që është interes i dyanshëm që kjo të ndodhë”, ka thënë ai.
